نعت شریف

ایشیت عرضیم نی ایتای یا نبی عالمگه سرورسن

نبوت آسمانی اوزره گویا شمس انور سن

یوراکیم صفحه صیغه تحریر اولغان خط عنبر سن

مقدم جمله ایلدین خاتم کل پیامبر سن

نه دی وصف شریفینگا حبیب حی اکبر سن

امام ایککی عالم صاحب محراب ومنبر سن

شریعت تختیگا سلطانی واسلام پرور سن

محبت بحریگا پرورده بولگان تازه گوهر سن

بحمدالله بیزي دیك عاصی امت لرغه رهبر سن

لحد دین باش کوتارگن ده شفاعت خواه محشر سن

اوشل روزیکه جسمینگ آمنه بطنی گه بار اولدی

غم واندوه محنت مکه خلقیدین کنار اولدی

قراب کوکدین جمالینگا ملک لر انتظار اولدی

انا دین ییرگه توشتونگ اوستونگا رحمت نثار اولدی

عزیز ایردی شیاطین لار سنی دورینگده خوار اولدی

نهالینگ سایه پرور بولدی شرعینگ آشکار اولدی

مسي زر بولدی هرکیم سکه شرعینگا یار اولدی

وجودینگ عالم ایچره رحمت پروردگار اولدی

به حمدالله بیزي دیک عاصی امت لرغه رهبر سن

لحد دین باش کوتارگنده شفاعت خواه محشر سن.

چیقیب عزت بیلان تخت شفاعت گا باقیب هرسو

کورار کیم عاضی لاردین عرصه محشر ایررور مملو

که اکثر نامه سی چپ ایلکیگا بولگان قرا یوزلو

الار حالین کوروب قیلغای محمد آنقدر قیغو

دییر وا امتا وا امتا قولگه آلیب گیسو

ندا کیلغای اوشل دم ییغله ما ای سید خوشخو

تمام عاصی لار غه رحمت ایتدیم ایلاگیل کولگو

امیدیم بار اولدم قاني مخلص دیب چقیرگای مو

به حمدالله بیزي دیک عاصی امت لارغه رهبر سن

لحددن باش کوتارگنده شفاعت خواه محشر سن.